“Sukanal” Elmi-Tədqiqat və Layihə İnstitutunun elmi-texniki seminarının ilk iclası keçirilmişdir.
21.04.2017
Aprelin 21-də “Sukanal” Elmi-Tədqiqat və Layihə İnstitutunun elmi-texniki seminarının ilk iclası keçirilmişdir. İclasda “Azərsu” ASC-nin sədrinin müşaviri, əməkdar mühəndis Telman Ağayev, Elmi araşdırmalar və xarici əlaqələr şöbəsinin aparıcı mühəndisi Elçin Qurbanov və “Sukanal” Elmi-Tədqiqat və Layihə İnstitutunun əməkdaşları iştirak etmişlər.
İclası giriş sözü ilə İnstitutun direktoru coğrafiya elmləri doktoru, professor Fərda İmanov açaraq İnstitutda bundan sonra elmi-texniki seminarların müntəzəm olaraq təşkil olunacağını bildirmişdir.
Sonra İnnovasiyalar şöbəsinin rəisi Arif Əliyevin “İnnovasiya və onun hədəfləri” mövzusunda məruzəsi dinlənilmişdir. Çıxış dinlənildikdən sonra məruzə ətrafında geniş fikir mübadiləsi aparılmışdır.